港燈裝35電動車充電器 首私人屋苑項目建成
政府推動車主改用電動車，但充電設備係瓶頸，政府喺2020年推出「EV屋苑充電易資助計劃」，預計用35億元資助700個私人屋苑停車場安裝充電設施。港燈就話，早前協助灣仔肇輝臺詩濤花園裝設35個電動車充電基礎設施，工程已喺11月完成，成為喺資助計劃下首個落成項目嘅私人屋苑。港燈又話，位於半山嘅麥當奴大廈項目亦預計喺12月完成，涉及50個車位。港燈話自從政府推出資助計劃，港燈已向超過420個私人屋苑（涵蓋約5萬個車位）發出「供電能力確認信」，等屋苑可以向政府申請有關資助。
港燈又宣布，轄下所有電動車充電站嘅免費充電服務將延長至2023年底。港燈喺2009年設立首批電動車充電站畀公眾使用，現時喺港島設有12個充電站，當中一半屬快速充電站。
詳情請參閱原文：明報新聞網
Comments are closed.